Inatasan ng korte ang pagkumpiska sa mga ari-arian ng umano’y drug personality na si Kerwin Espinosa, kabilang ang mga bank account, sasakyan, at iba pang asset na pinaniniwalaang galing sa illegal na droga.
Ayon sa ulat, naglabas ng freeze order ang Manila Regional Trial Court Branch 35 matapos makumbinsi ng prosecution na may sapat na batayan upang ituring na “proceeds of crime” ang mga nasabing ari-arian.
Kabilang sa mga kinumpiska ay ilang luxury vehicles, condominium units, at bank deposits na umaabot sa milyon-milyong piso.
Ang hakbang na ito ay bahagi ng mas malawak na kampanya ng pamahalaan laban sa money laundering at ilegal na droga.
Si Espinosa na kasalukuyang alkalde ng Albuera ay nahaharap sa ilang kaso kaugnay sa umano’y operasyon ng droga sa Visayas at Mindanao.
Patuloy ang imbestigasyon ng mga otoridad upang matukoy kung may iba pang ari-arian si Espinosa na dapat ding kumpiskahin.
