Nakapagtala ng mabilis na pagtaas sa presyo ng pangunahing bilihin at serbisyo noong buwan ng Nobyembre.

Ayon sa Philippine Statistics Authority (PSA) nasa 1.3 percent ang inflation rate sa nasabing buwan.

Higit na mabilis ito kumpara sa 0.8 percent noong nakaraang Oktubre.

Sinasabing ang inflation ay dahil sa mas mataas na presyo ng sigarilyo, alak, pati na ng housing at utility costs.

Pangunahing nakapag-ambag sa November inflation ay ang mataas na presyo ng restaurant at miscellaneous goods at services, habang bumaba naman ang halaga ng bigas at iba pang produkto sa pamilihan.

Samantala, sa pahayag naman ng Bangko Sentral ng Pilipinas (BSP), sinabi nilang pasok pa rin sa forecast range nila ang naitalang inflation rate.

“The November 2019 inflation of 1.3 percent was within the BSP’s forecast range of 0.9 – 1.7 percent. Inflation for the month was driven by higher prices of electricity, LPG, gasoline, and selected food items. These were tempered by the continued decline in rice prices along with the appreciation of the peso. The latest inflation outturn is consistent with the BSP’s prevailing assessment that inflation has bottomed out in October and is expected to gradually approach the midpoint of the target range in 2020 and 2021,” saad ng pahayag mula sa BSP.