(Exclusive) COWBOYS STADIUM, Texas - Ilang oras bago ang nakatakdang laban sa Dallas, Texas, kumpiyansang inihayag ngayon ni Joshua Clottey na mananalo ito laban sa paboritong Pinoy boxer na si welterweight champion Manny Pacquiao.  Sa exclusive interview ng Bombo Radyo sa pamamagitan ni international correspondent at boxing analyst Alex Vidal kasabay ng weigh-in sa Cowboys Stadium kaninang umaga oras sa Pilipinas, sinabi ni Clottey na kayang-kaya nitong talunin si Pacquiao.

Umaasa ngayon ang Malacañang na kapupulutan ng aral ng mga pulitiko ang inaabangang laban ni Manny Pacquiao kay Joshua Clottey bukas oras sa Pilipinas sa Dallas, Texas. Sinabi ngayon ni Deputy Presidential Spokesman Ricardo Saludo, dapat gawing idolo ang pakikipaglaban ni Pacquiao na gaano man kabagsik ang laban, nangingibabaw pa rin ang pag-angat ng bayan at tagumpay ng sambayanan.

Tiniyak ngayon ng gobyerno na magiging transparent ang lahat ng transaksyon o proseso sa pagresoba ng energy crisis sa Mindanao matapos maideklara ang state of calamity sa rehiyon. Reaksyon ito ni Mindanao Development Authority chairman Jess Dureza matapos pagdudadahan ng ilang kritiko ang pagkakagamit ng calamity funds ng mga local government units at pinangangambahang magamit ito sa eleksyon.

DALLAS, Texas – Napawi ang pangamba ng ilang boxing fans na baka sumubra sa timbang si dating world champion Joshua Clottey.  Sa panayam ng Bombo Radyo sa international correspondent at  boxing analyst na si Alex Vidal mula sa Cowboys Stadium tumimbang ang challenger na si Clottey ng eksaktong 147 pounds.  Nangangahulugang pasok siya sa weight limit sa welterweight division.  Sa panig ni Manny Pacquiao nagtala siya sa 145.75 pounds.