Back-to-back Championship!
Iyan ang hirit ng mga fans matapos na masungkit ng Creamline Cool Smasher ang ika-8 nilang kampeonato matapos nilang talunin ang Choco Mucho Flying Titans sa finals ng 2024 Premier Volleyball League All Filipino Conference.
Dikdikan ang laro sa unang apat na set na tinunghayan naman ng 23,162 na mga Pilipino sa Araneta Coliseum.
Hanggang sa dumating ang 5th set kung saan mas uminit at ramdam na ang tensyon at dito na nga naselyuhan ng Cool Smasher ang pagkapanalo sa iskor na 20-25, 25-20, 22-25, 25-22, 15-11.
Itinanghal naman si Jessica Margarett “Jema” Galanza bilang finals MVP habang Best Setter naman si Kyle Angela Negrito ng Cool Smashers.
Samantala naging emosyonal naman si Bea de Leon dahil ito ang kauna-unahan niyang championship sa PVL.
