Kinuwestiyon ni Davao City 1st District Representative Paolo “Pulong” Duterte ang posibilidad na 10 boto lamang ang kailangan para baligtarin ang naunang ruling na nagtakda ng 16 na boto para ma-convict si Vice President Sara Duterte sa impeachment trial.
Ang usapin sa voting threshold ay unang umigting matapos kuwestiyunin sa Senado kung dapat manatili ang 16-vote requirement, kasunod ng pagliban ng ilang senator-judges sa impeachment proceedings.
Samantala, iginiit ni Pulong Duterte na hindi maaaring basta gamitin ang mas mababang bilang ng boto para malampasan ang constitutional requirement.
Aniya, maaaring sapat ang sampung boto para sa isang procedural question kung iyon ang itinakda ng Senate rules, pero hindi umano nangangahulugan na maaari nanhg baguhin sa pamamagitan nito ang constitutionan requirement.
“Ten votes to reverse the 16-vote rule? Are you sure about this? Ten votes to change the constitution? Di puwede.” Ani Rep. Pulong Duterte.
Patuloy namang pinag-aaralan ng Senate impeachment court ang usapin sa voting threshold ng impeachment case ng bise presidente.
