Mistulang nakahinga nang maluwag si dating US President Donald Trump matapos itong mapawalang-sala sa kinakaharap nitong impeachment complaint sa US Senate.

Sa isang pahayag, agad na nagpasalamat si Trump sa kanyang legal team at maging sa kanyang mga tagasuporta.

Hindi rin naiwasan ni Trump na patutsadahan ang kanyang mga katunggali sa pulitika.

“This has been yet another phase of the greatest witch hunt in the history of our country,” ani Trump.

“It is a sad commentary on our times that one political party in America is given a free pass to denigrate the rule of law, defame law enforcement, cheer mobs, excuse rioters, and transform justice into a tool of political vengeance, and persecute, blacklist, cancel and suppress all people and viewpoints with whom or which they disagree. I always have, and always will, be a champion for the unwavering rule of law, the heroes of law enforcement, and the right of Americans to peacefully and honorably debate the issues of the day without malice and without hate,” dagdag nito.

-- Advertisement --

“No president has ever gone through anything like it, and it continues because our opponents cannot forget the almost 75 million people, the highest number ever for a sitting president, who voted for us just a few short months ago.”

Sa huli, nagbitaw ng pangako si Trump sa kanyang mga tagasuporta.

“Our historic, patriotic and beautiful movement to Make America Great Again has only just begun. In the months ahead I have much to share with you, and I look forward to continuing our incredible journey together to achieve American greatness for all of our people.”

Una rito, sa resulta ng botohan ng mga US senators, nakakuha ng 43 ang “not guilty” habang 57 ang “guilty” sa article of impeachment na incitement of sedition.

Bagama’t lamang ang guilty votes, kinapos ang mga ito na makuha ang supermajority o two-thirds ng mayorya ng Senado upang ma-convict si Trump.

Agad namang binanatan ni Senate Majority Leader Chuck Schumer ang naging pasya ng Senado na i-acquit si Trump, na tinawag nitong “un-American” at insulto sa kanilang mga bayaning nagbigay ng buhay para sa Estados Unidos noong mga nakalipas na siglo.

Binatikos din nito ang 43 senador na bumoto para ipawalang-sala si Trump.

“January 6 will live as a day of infamy in the United States. The failure to convict Donald Trump will live as a vote of infamy in the history of the United States Senate,” wika ni Schumer ilang minuto matapos ang botohan.

Kung maaalala, nag-ugat ito sa riot sa US Capitol building noong Enero 6 (local time) kung saan sinugod ng mga tagasuporta ni Trump ang lugar upang harangin ang pagbibilang ng Kongreso sa electoral votes para sertipikahan ang panalo ni Joe Biden sa presidential elections noong Nobyembre.

Giit ng mga Democrats, tila inudyukan pa ni Trump ang mga supporters nito para guluhin ang Capitol at saktan ang mga kritiko nito. (CNN/ BBC)