Nagpahayag ng pagkabahala si House Ways and Means chairman at Albay Representative Joey Salceda na mayruong negatibong epekto ang pagpapatupad ng price cap sa bigas.
” If you impose a price ceiling but some areas have less rice than they need, you will see supply problems in the rice-deficit areas. So, supply monitoring must also be localized and some augmentation must take place in rice-deficient areas,” pahayag ni Salceda.
Ayon sa ekonomistang mambabatas kung nais maiwasan ang anumang kakulangan sa suplay ng bigas, ang price cap ay dapat na mas mataas kaysa sa equilibrium price.
Sinabi ng Bicolano solon, upang maiwasan ang kakulangan ng suplay dapat tiyakin ng Department of Agriculture na mayroong sapat na suplay sa pamilihan sa buong bansa.
Dagdag pa ni Salceda, ang gagawing monitoring sa suplay ay hindi lamang dapat dito sa national level kundi sa local level din ng sa gayon maiwasan na magkaroon ng problema.
” Of course, a rice price ceiling is a signal to those who wish to do price speculation that there is little profit in doing that. In that sense, it will help prevent hoarding,” pahayag ni Salceda.
Binigyang-diin ng mambabatas na maganda ang layunin ng gobyerno sa pagpapatupad ng “price ceilings” sa bigas sa buong bansa, kung saan matutugunan nito ang pang-aabuso sa kapangyarihan sa merkado.
Sinabi ni Salceda, mayroon aniyang ilang arbitrage at hindi nararapat na padding of margins sa nasabing sektor, at ang price ceiling sa bigas ay makakatulong na matigil ang ganid na pag-uugali ng ilang mga negosyante.
Napatunayan na may pang-aabuso sa merkado sa rice sector, batay isinagawang pagksalakay sa mga bodega ng bigas kung saan nakiisa dito si Speaker Martin Romualdez sa pagsisikap na hadlangan ang pang-aabuso sa sektor ng bigas.
Una ng iminungkahi ni Salceda nuong nakaraang taon na bumili ng bigas sa mas mataas konti ang presyo kaysa sa kasalukuyang presyo sa world market nang sa gayon hindi ito makakaka apekto sa anumang pagtaas sa hinaharap.
Ultimately, rice prices will fall down when India rescinds its rice export ban. But it highlights how our rice policy must remain focused on enhancing domestic yields. If we are able to produce yields at Vietnam levels (5.6 tons per hectare) from our current level (4.1 tons per hectare), we can close our domestic supply shortage, and be less sensitive to movements in the world market,” dagdag pa ni Salceda.
