Inanunsiyo na ang mga Miss Universe 2025 Continental Queens sa Coronation Party na ginanap sa Grand Richmond Stylish Convention Hotel sa Thailand, kasunod ng kontrobersiyal na resulta ng Miss Universe 2025 final competition kahapon.
Kinilala ang apat na bagong Continental Queens na magsisilbing kinatawan ng kani-kanilang rehiyon.
Narito ang mga Miss Universe 2025 Continental Queens:
Africa & Oceania: Olivia Yacé (Côte d’Ivoire)
Europe & Middle East: Julia Cluett (Malta)
Asia: Zhao Na (China)
Americas: Stephany Abasali (Venezuela)
Ipinagtaka ng maraming pageant fans kung bakit hindi si Miss Universe Philippines Ahtisa Manalo o Miss Universe Thailand Praveenar Singh ang napili bilang Miss Universe Asia, at kung ano ang naging batayan sa pagpili ng Continental Queens.
Samantala, tumanggap ng karagdagang parangal si Ahtisa Manalo matapos niyang masungkit ang Miss Universe Philippines 2025 – 3rd runner-up placement. Ginawaran siya bilang isang Beyond the Crown Honoree.
Kasabay nito, kinilala rin ang Pilipinas bilang Best Local Pageant sa pamumuno ni Jonas Gaffud, Presidente at CEO ng Miss Universe Philippines. (Betha Servito)
