Reading Time: 1 minute

DAGUPAN CITY- Tumaas pa ang level ng tubig sa Marusay Sinukalan River sa bayan ng Santa Barbara bunsod ng naranasang pag-ulan.

Mula sa 5.75 meters above sea level ay nasa 6 meters above sea level na ito na ayon sa mga otoridad ay itinuturing na itong alarm level ng ilog.

Dahil dito, inalerto ng mga otoridad ang mga residenteng nakatira malapit sa ilog.

Bukod sa Sinukalan river ay minomonitor din ang Agno River at Bued Cayanga river.

Samantala, hindi pa apektado ang level ng San Roque dam sa lalawigan ng Pangasinan.

Naitala kahapon ang 251 . 41 meters na level ng tubig sa dam malayo ito sa critical level na 280 meters.