-- Advertisements --
May mga pagbabagong gagawin ang Los Angeles Lakers para sa Game 2 nila ng Houston Rockets sa Western Conference Semifinals.
Ito ay matapos gulatin sila ng Rockets sa Game 1 sa score na 112-97.
Ilan dito ay ang pagsusuot ng koponan Kobe Bryant-inspired “Black Mamba” jersey.
Noong nakaraang isinuot ng koponan ang nasabing jersey ay naging matindi ang laro nila kung saan tinalo nila sa Game 4 ang Portland Trail Blazers, 135-115.
Naniniwala kasi sila na ramdam ng koponan ang presensiya ng yumaong NBA superstar.
Bukod pa rito ay ang posibleng paglaro ni Anthony Davis sa sentro.
Madalang kasi na nagsesentro si Davis dahil kadalasan ang posisyon niya ay power forward.
