Lalo pang bumagal ang inflation rate ng bansa nitong buwan ng Mayo.

Ayon kay Philippine Statistical Authority (PSA) national statistician at NEDA Usec. Dennis Mapa, nakapag-record lamang ng 2.1 percent na pagtaas sa presyo ng mga produkto at serbisyo.

Mas mabagal ito kumpara sa 2.2% noong buwan ng Abril.

Habang noong 2019 ay nasa 3.2% naman ang nairehistro ng PSA sa ganitong panahon.

“At the national level, the headline inflation continued to move at a slower rate of 2.1 percent in May 2020, from 2.2 percent in April 2020. This brings the year-to-date inflation for 2020 at 2.5 percent. In May 2019, inflation was higher at 3.2 percent,” wika ni Mapa.

Samantala, sa panig ng Bangko Sentral ng Pilipinas (BSP), inaasahan na umano nila ito at pasok sa kanilang unang assesment.

“The latest inflation outturn is consistent with the BSP’s prevailing assessment that inflation is expected to remain benign over the policy horizon due largely to the potential adverse impact of Covid-19 on the domestic and global economic environment,” saad ng abiso mula sa BSP.