Lumakas pa ang tsansa ng Barangay Ginebra na makapasok sa playoffs ng 2021 PBA Philippine Cup matapos na nalusutan nila ang Phoenix 94-87.
Tila nakabawi ang Gin King sa tatlong pagkatalo sa huling apat na laro at maiangat ang record na apat na panalo at limang talo sa laro na ginanap sa DHVSI Gym sa Bacolor, Pampanga.
Naging susi ang pumasok na tira ni Stanley Pringle para maitabla sa 87 all sa natitirang 2:34 sa last quarter.
Hanggang tuluyang nailayo ni LA Tenorio ang kalamangan nila sa mga huling minuto ng laro.
Bumida sa panalo si Pringle na mayroong 31 points habang si Tenorio ay mayroong 23 points.
Aminado si Ginebra coach Tim Cone na nahirapan sila sa nasabing laban dahil sa magkakasunod na pagkatalo.
Isa ring malaking hamon ngayon sa mga susunod na laro ng koponan ay ang pagka-injured ng kanilang center na si Japeth Aguilar.
Kahit na nainjured ay mayroon pa rin itong 21 points, 12 rebounds at dalawang steals.
