-- Advertisements --
Tinambakan ng San Miguel Beermen ang Macau Giant Pandas 131-79 sa nagpapatuloy na 2026 PBA Governor’s Cup.
Bahagyang nahinto ang laro dahil sa pagtulo ng tubig mula sa kisame ng Ynares Sports Center sa Montalban.
Mula sa simula ay dominado ng Beermen ang laro kung saan hindi nila hinayaan na makaabot pa ang Macau.
Mayroon ng anim na panalo at dalawang talo ang Beermen sa Group A.
Habang ang Macau ay mayroong dalawang panalo at anim na talo.
Nanguna sa panalo ng Beermen si George King na nagtala ng 19 points habang mayroong 14 points si Jericho Cruz at 13 points naman ang naitala ni Jeron Teng.
