Tiniyak ng Bureau of Immigration ang paghahain ng kaso laban sa mga tauhan nito na mapapatunayang ilegal na tumutulong sa mga foreign detainees .
Ayon kay BI Commissioner Joel Anthony M. Viado, ang sinumang mapapatunayang sangkot ay mahaharap sa matinding parusa.
Tugon ito ng opisyal matapos ang pagkakatanggal sa tatlong tauhan nito na dawit sa pagtulong sa isang kilalang Russian vlogger na na detain sa bansa dahil sa panghaharass sa ilang Pilipino.
Dawit ang tatlo matapos sabihin ng russian national na tinulungan siya na makagawa ng video content habang siya ay nasa loob ng piitan.
Nabatid na sangkot ang tatlo sa ilegal na pagpasok ng cellular phone sa loob ng BI Detention center.
Matapos ang ulat ay isinagawa naman ng mga tauhan ng BI ang isang raid sa loob ng pasilidad sa Taguig City at Muntinlupa City.
