-- Advertisements --
Nasunog nitong Sabado ng umaga ang ikatlong palapag ng Senate Building sa Pasay City.
Bandang 6:30 a.m. nagsimula ang apoy na agad umabot sa second alarm matapos ang halos kalahating oras.
Agad na rumesponde ang mga firetruck at fire volunteers upang apulahin ang sunog at mailigtas ang mga empleyado sa loob ng gusali.
Nababalot ng makapal na usok ang ikatlong palapag habang inaalam pa ng Bureau of Fire Protection (BFP) ang pinagmulan ng insidente.
Bandang 8:20 a.m., idineklarang fire out ang sunog matapos ang halos dalawang oras na operasyon.
Wala pang buong ulat ng nasugatan o halaga ng pinsala sa gusali.
Patuloy namang nagsasagawa ng imbestigasyon ang mga otoridad upang matukoy ang sanhi ng sunog at matiyak ang kaligtasan sa Senado.
