Pumasok na sa Philippine Area of Responsibility (PAR) ang Tropical Storm Kalmaegi, na binigyan ng lokal na pangalan na Tino.
Ayon sa state weather bureau, magsisimula na sila sa paglalabas ng mga Tropical Cyclone Bulletins ngayong araw upang magbigay ng pinakabagong impormasyon ukol sa galaw, lakas, at posibleng epekto ng bagyo sa bansa.
Ang pagpasok ni Bagyong Tino sa PAR ay kasunod ng serye ng mga weather disturbances na nakaapekto sa Visayas at Mindanao nitong mga nakaraang linggo.
Bagama’t wala pang direktang epekto sa lupa sa kasalukuyan, binabantayan ng mga eksperto ang posibleng pag-ulan, pagtaas ng alon, at pagbugso ng hangin sa mga lugar sa silangang bahagi ng bansa.
Ang Kalmaegi ay isang tropical storm na unang namataan sa Pacific Ocean at kilala ang mga bagyo sa ganitong period bilang may mabilis na galaw.
Pinapayuhan ang publiko, lalo na ang mga nakatira sa mabababang lugar at baybayin, na maging alerto sa mga abiso ng mga otoridad.
