Kinumpirma ng Foreign Ministry na ang Australia ay nag-anunsyo ng mga bagong parusa na nagta-target sa mga oligarko ng Russia, pangunahin na ang mga negosyante at kanilang mga miyembro ng pamilya.
Sa kabuuan, 33 katao ang pinatawan ng parusa, kabilang ang may-ari ng Chelsea Football Club na si Roman Abramovich, CEO ng Gazprom Alexey Miller at Dmitri Lebedev, Chairman ng Rossiya, isa sa pinakamalaking air carrier ng Russia.
Sa pahayag na inilabas ni Australia’s Minister for Foreign Affairs Marise Payne, ang mga parusang inihayag ngayon ay nagpapatibay sa pangako ng Australia na parusahan ang mga taong nagkamal ng malawak na personal na yaman at may pang-ekonomiya at istratehikong kahalagahan sa Russia, kabilang ang bilang resulta ng kanilang mga koneksyon sa pangulo ng Russia na si Vladimir Putin.
Marami sa mga oligarch na ito ang nag-facilitate, o direktang nakinabang, mula sa umano’y iligal at hindi maipagtatanggol na mga aksyon ng Kremlin sa Ukraine mula noong 2014.
Sinusundan ng Australia ang US, UK, Canada, European Union at New Zealand, sa pagbibigay ng parusa sa mga pangunahing indibidwal na Russians sa pagsalakay sa Ukraine.
