Dumami pa ang mga kaalyaadong mambabatas ni House Speaker Lord Allan Velasco na nahalal bilang mga bagong Deputy Speaker sa kamara.

Bahagi pa rin ito ng balasahan sa mababang kapulungan ng Kongreso matapos maluklok si Velasco.

Nabatid na siyam pang mga mambabatas ang itinalaga bilang deputy speakers.

Kabilang na rito sina Negros Oriental Rep. Arnulfo Teves; Pampanga 4th District Rep. Rimpy Bondoc; Valenzuela City 2nd Rep. Ric Martinez.

Ganun din sina Bagong Henerasyon Partylist Rep. Bernadette Herrera-Dy, Ilocos Sur Rep. Kristine Singson-Meehan, Zamboanga Del Sur Rep. Divina Grace Yu, Sarangani Rep. Rogelio Pacquiao, Valenzuela City 1st District Rep. Weslie Gatchalian at Manila Rep. Bienvenido Abante Jr.

Samantala, magiging chairperson naman ng special committee on strategic intelligence si Surigao Del Sur Rep. Johnny Pimentel at special committee on bases conversion si Pampanga 3rd District Rep. Dong Gonzales.