GENERAL SANTOS CITY – Idineklarang dead on arrival ang rape suspect na umano’y nang-agaw ng baril habang isinasailaim sa booking procedure.
Ayon kay P/Lt. Omar Baret, deputy station chief ng Bula Police Station, kanilang hinuli ang suspek na si Merston Mocomondis, 40-anyos na karpentero mula sa Zone 8 ng Barangay Bula nitong lungsod, dahil sa paghalay umano sa anim na taong gulang na bata.
Nasa loob ng investigation section ng Bula Police Station ang suspek at kinukunan ng mugshot nang biglang inagaw ang 9mm pistol ni Pol. S/Sgt Aiza Frias at pinaputukan ang mga pulis.
Gumanti naman ang kapulisan sa suspek kaya nasugatan at dinala sa pagamutan, subalit hindi na umabot na buhay.
Unang nagreklamo ang ama ng bata na apat na beses nang pinagsamantalahan ng suspek ang biktima.
