-- Advertisements --
Kinuwestiyon ni Atty. Paolo Panelo, spokesperson ni Vice President Sara Duterte, ang naging desisyon ng senate impeachment court na baguhin ang interpretasyon sa voting threshold para sa conviction sa impeachment trial.
Ayon kay Panelo, malinaw umano sa konstitusyon ang kinakailangang bilang ng boto para mahatulan ang isang impeachable official, ngunit binago umano ng mayorya ng senator-judges ang interpretasyon nito.
Dahil dito, tinuligsa ni Panelo ang naging ruling ng impeachment court at inilarawan ang proseso bilang “Lokohan lang ’to.”
Ang pahayag ni Panelo ay kasunod ng 13-1 na botohan ng impeachment court, kung saan anim na senator-judge ang Hindi lumahok, para baguhin ang naunang interpretasyon sa two-thirds conviction threshold.
