Ikinagalak ni Pwersa ng Pilipinong Pandagat (PPP) Party-list Representative Harold Duterte ang ideya na ilipat ang ilang bahagi ng pambansang budget para sa taong 2026 upang magkaroon ng karagdagang pondo para sa mga programa na pinapatakbo ng Department of Agriculture (DA).
Naniniwala si Duterte na ang dagdag na pondong ito ay makakatulong nang malaki sa mga mangingisda sa buong bansa.
Ayon kay Representative Duterte, ang paglilipat ng pondo mula sa mga proyekto na may kaugnayan sa flood control, na madalas pagmulan ng kontrobersiya, patungo sa mga proyekto at programa na direktang makikinabang ang sektor ng pangingisda ay nagbibigay ng malaking pag-asa sa mga mangingisda.
Ang ganitong hakbang, aniya, ay isang positibong indikasyon ng pagbibigay-halaga sa kanilang papel sa lipunan.
Matagal na umanong napapabayaan ang mga mangingisda sa Pilipinas, kahit na sila ay itinuturing na isa sa mga pinakamahalagang haligi pagdating sa seguridad ng pagkain ng bansa.
Giit ng mambabatas na dapat bigyan ng sapat na atensyon at suporta ang sektor ng pangingisda upang masiguro ang kanilang kapakanan at ang kanilang kakayahan na mag-ambag sa ekonomiya.
Idinagdag pa ni Representative Duterte na ang hakbang na ito ay higit na makakatulong sa mga maliliit na mangingisda, lalo na sa mga nakatira sa mga coastal communities.
