Arestado ang isang pulis dahil sa pamamaril sa tatlong katao sa Cavite.
Base sa inisyal na imbestigasyon, nirespondihan ng mga kapulisan ang isang tawag na mayroong pamamaril na naganap sa isang resort sa Maragondon, Cavite dakong 1:30 ng umaga nitong Agosto 12.
Nakilala ang naarestong suspek na si PCpl Rolando Periodico Jr, 35-anyos na nakatalaga sa Trece Maritires Police station.
Habang ang mga biktima ay nakilala na sina Arjay Mojica, nasa hustong edad at residente ng Magallanes, Cavite; PCPL Novinidhon Climacosa, PNP member na nakatalaga sa Ternate Cavite Police Station at si PSSg Junmark Sisante, na nakatalaga sa Magallanes Municioal Station.
Nasawi sa insidenre si Sisante at sibilyan na si Mojica.Ayon sa mga otoridad na parehas na nasa impluwensya ng alak ang mga biktima at suspek kung saan nagkaalitan ang mga ito sa parking area ng resort.
Agad namang naaresto ng mga otoridad ang susoek na si Periodico.
Nabawi sa crime scene ang dalawang 9mm pistols kabilang ang Glock 17 na naka issue sa suspek at isang Pietro Beretta na baril na naka assigned sa biktima.
Agad naman na tinanggal sa puwesto ang Chief of Police ng Maragondon Police station at inilagay sa Cavite Personnel Holding and Accounting Section (PHASI).
Patuloy naman na iniimbestigahan ng mga otoridad ang nasabing pamamaril.
