-- Advertisements --

DAVAO CITY – Doble ngayon ang ipinatupad na seguridad sa Davao region matapos makumpirma na isang taga-Davao region ang nagpositibo sa COVID-19 ang kasalukuyang naka-confine sa Department of Health Davao Center for Health Development (DOH-DCHD).

Una nang napag-alaman na ang 21-anyos na patient PH130 na taga-Davao de Oro ay galing ng United Kingdom kung saan nakumpirma sa laboratory results ito sa Research Institute of Tropical Medicine (RITM).

Sinasabing mula ito sa United Kingdom at nag-lay over via Doha, Qatar patungong Manila at Davao noong Pebrero 29, 2020.

Nagpa-check up ang pasyente dahil sa kanyang ubo hanggang sa isinailalim sa isolation noong Marso 9, 2020.

Tiniyak naman ng DOH-DCHD sa publiko na gagawin nila ang mga hakbang para lamang maiwasan ang local transmission ng virus.

-- Advertisement --

Dahil dito, nagpatupad ngayon ng partial lockdown ang lungsod ng Tagum at Davao para masigurong hindi kumalat ang virus sa ilang lugar sa Davao region.