Nahaharap sa isa pang hadlang ang North-South Commuter Railway (NSCR) project matapos na ang contractor na DM Consunji Inc. (DMCI) at ang Japanese partner nito na Taisei Corp. ay umatras mula sa isang seksyon sa kanilang iginawad na kontrata para magtayo ng mga bahagi ng railway project dahil sa right-of-way issues.
Sa isang pagbubunyag sa Philippine Stock Exchange, sinabi ng nasabing kumpanya na bumaba ang order book nito ng 9% hanggang P42.4 billion sa unang quarter ng 2023 dahil sa pagkumpleto ng ilang proyekto at ang “descoping” ng North-South Commuter Railway Contract Package 01 (CP01).
Sinabi ng kumpanya na ang kasalukuyang mga obstruction ay humadlang sa pag-access, pagmamay-ari, at pag-aabot ng lugar ng pagtatayo ng North-South Commuter Railway.”
Ang “descoping” ng package ng kontrata ay nagresulta sa hindi pagkakasama ng trabaho na nagkakahalaga ng P7 billion mula sa pipeline ng proyekto ng Consunji-led firm.
Upang linawin, sinabi ni Transportation Assistant Secretary for Railways Jorjette Aquino, na ang Taisei-DMCI Joint Venture (TDJV) ay hindi unilaterally withdraw mula sa Contract Package 01 Section 1.
Noong Mayo 2021, ginawaran ang DM Consunji Inc. at Taisei ng Contract package 01 para itayo ang unang yugto ng proyekto ng North-South Commuter Railway.
Ang North-South Commuter Railway Phase 1 ay may kabuuang halaga ng kontrata na ¥114 bilyon o humigit-kumulang P54 billion.
Una nang sinabi ni Aquino na ang North-South Commuter Railway Contract Package 01 ay may kabuuang haba na 21 kilometers na sumasaklaw sa Solis Station sa Tondo, Manila hanggang sa Bocaue Station sa Bulacan.
