Mga biyahe ni Pres. Duterte sa labas ng bansa, suspindido muna

Suspendido muna ang lahat ng biyahe ni Pangulong Rodrigo Duterte patungo sa ibang mga bansa sa gitna na rin ng banta ng COVID-19.

Base sa public advisory na inilabas ng Presidential Security Group (PSG), lahat ng foreign travels ng Pangulo partikular sa mga bansa na mayroong confirmed cases ng virus ay ipagpapaliban muna.

Ito ay alinsunod na rin sa rekomendasyon ng Department of Health.

Isa sa mga inaasahang biyahe ng Pangulo ay patungo sa Vietnam para sa ika-36 na ASEAN Summit sa Abril.