Naglabas ngayon ang Palasyo ng Memorandum Circular No. 22 na nag- aatas sa mga tanggapan ng pamahalaan sa National government na magpatupad ng water conservation measures.
Ang Memorandum Circular na nilagdaan ni Executive Secretary Lucas Bersamin nitong June 7, 2023 ay naglalayong mapaghandaan na din Ang El Nino phenomenon na magbubunga Ng kakapusan Ng tubig Hindi lamang sa Metro Manila tatama kundi pati na sa ibat- ibang bahagi ng bansa.
Saklaw din ng kautusan ang mga GOCC, State Universities at Colleges na kung saan, sila ay tinatakdaang magpatupad ng water conservation na magreresulta ng sampung porsiyentong water volume reduction.
Sa ilalim din ng inilabas na Memo Circular ay hinihikayat Ang mga kinauukulan na agad kumpletuhin ang kanilang mga proyekto at i- upgrade ang kanilang mga water distribution pipes.
Inaatasan din ang Water Resource Management Office na i- monitor ang compliance ng mga concerned government agencies bukod pa sa kailangang magsumite sila ng quarterly update hinggil dito sa Office of the President sa pamamagitan ng Office of the Executive Secretary.
“National government-run WSPs are hereby directed, and local government-run WSPs are hereby encouraged, to immediately complete their projects to reduce non-revenue water and upgrade their distribution pipes. Local government units are encouraged to process the requests of WSPs for waterworks within a reasonable period of time,” pahayag ng Pangulo sa memorandum circular.
