BAGUIO CITY – Muling papangunahan ng isang babaeng kadete ang graduating class ng Philippine Military Academy (PMA) ngayong taon.
Topnotcher ng PMA Masidlawin Class of 2020 si CDT 1CL Gemalyn Deocares Sugui mula Echague, Isabela.
Sa isang simple at pribadong graduation rites mamayang hapon, tatanggapin niya ang mga award na Presidential Saber, Achievement Award for Academic Excellence, JUSMAG Award, Philippine Army Saber, Spanish Armed Forces Award, Social Sciences Plaque, Management Plaque at Rule of Law Award.
Noong nakaraang taon ay si Cadet First Class Dionne Mae Apolog Umalla ang nanguna sa kanyang 262 classmates sa PMA Mabalasik Class of 2019.
Samantala, graduating No. 2 ngayong taon si CDT 1CL Jade Campo Villanueva mula Tacloban City na gagawaran ng Vice Presidential Saber, Association of Generals and Flag Officers Award, Academic Group Award, Australian Defense Best Over-All Performance Award, General Antonio Luna Award, Army Service Professional Courses Plaque, Department of Leadership Plaque at Humanities Plaque.
Graduating No. 3 si CDT 1CL Jefferson Yamson Salazar mula Zamboanga City na paparangalan ng Secretary of National Defense Saber, Philippine Navy Saber, Australian Defense Best Over-All Performance Award at Mathematics Plaque.
Graduating No. 4 ang Cordilleran na si CDT 1CL Rojes Gaile Bacud Jamandre mula Lamut, Ifugao; habang No. 5 si CDT 1CL Jeb Belting Bay-an mula Kabayan, Benguet na tatanggap ng mga awards na Philippine Air Force Award at Australian Defense Best Over-All Performance Award.
Graduating No. 6 ang Cordilleran na si CDT 1CL Catabay Gunnawa Ladyon mula Tabuk City, Kalinga; habang No. 7 si CDT 1CL Vanelyn Angel Zipagan Tabao mula Tuguegarao City; No. 8 si CDT 1CL June Giel Anne Lacuesta Factor mula Ilocos Norte; No. 9 si CDT 1CL Rubenson Prajes Abgao mula Lanao del Norte na awardee ng Air Force Service Professional Courses Plaque; at No. 10 si CDT 1CL Dencel Aira Mendoza Bayaca mula Pampanga.
Samantala sa special awards, matatanggap ni CDT 1CL Marion Dale Cordova mula Laguna ang Chief of Staff Saber at Achievement Award for Leadership.
Aguinaldo Saber Awardee naman si CDT 1CL Shaira Luz Bernardo mula Bicol, habang Athletic Saber Awardees sina CDT 1CL Mary Rose Manganip Alda mula Baguio City, at CDT 1CL Ramon Rico Ostique Fantonalgo mula North Cotabato.
Matatanggap ni CDT 1CL Revan Hora Pagdilao mula Taguig City ang Computing and Information Sciences Plaque, habang matatanggap ni CDT 1CL Valerie Malidon Salbino mula Tuba, Benguet ang Department of Tactical Officers Plaque.
Natural Science Plaque Awardee si CDT 1CL Wilson Emmerson Manzano Diep mula Pangasinan; Navy Professional Courses Plaque Awardee si CDT 1CL Mary Anne Montemayor Paguio mula Caloocan City; Sports and Physical Development Plaque Awardee si CDT 1CL Janri Merch Balingao Santos mula Bontoc, Mt. Province; habang awardee din si CDT 1CL DEXTER BUYOGAN MAMMA mula Lower Pinget, Baguio City.
Binubuo ng 196 kadete ang graduating class na may 172 kalalakihan at 23 kababaihan kung saan 100 ang papasok sa Philippine Army, 44 sa Philippine Air Force at 48 sa Philippine Navy.
