Duterte wala munang foreign trip sa gitna ng COVID-19 pandemic – PSG

Suspendido muna ang lahat ng biyahe ni Pangulong Rodrigo Duterte patungo sa ibang mga bansa sa gitna na rin ng banta ng COVID-19.

Batay sa public advisory na inilabas ng Presidential Security Group (PSG), lahat ng foreign travels ni Pangulong Duterte partikular sa mga bansa na mayroong confirmed cases ng COVID-19 ay ipagpapaliban muna.

Ito ay alinsunod na rin sa rekomendasyon ng Department of Health (DOH).

Isa sa mga inaasahang biyahe ni Pangulong Duterte ay pagtungo sa Vietnam para sa ika-36 na ASEAN Summit ngayong Abril.