Umakyat pa sa 413,430 ang kabuuang bilang ng COVID-19 cases sa Pilipinas, ayon sa Department of Health (DOH).
Batay kasi sa pinakabagong case bulletin ng ahensya, aabot sa 1,337 new cases ang nadagdag sa listahan ng mga tinamaan ng coronavirus sa bansa.
“11 labs were not able to submit their data to the COVID-19 Data Repository System (CDRS) on November 18, 2020.”
Ayon sa DOH, pinakamaraming naitala na bagong kaso ng sakit sa Davao City na nasa 110. Sinundan ng lalawigan ng Laguna, 74; Quezon City, 66; Batangas, 54; at Lungsod ng Maynila, 53.
Ang mga active cases o nagpapagaling pa ay nasa 30,493. Habang ang total recoveries ay nasa 374,939 matapos madagdagan ng 286.
Nadagdagan din ng 41 ang total deaths, na ngayon ay nasa 7,998 na.
“4 duplicates were removed from the total case count. Of these, 3 were recovered cases. Moreover, 10 cases previously tagged as recovered were reclassified as deaths.”
Nagpaliwanag naman ang ahensya matapos daw magkamali ng reporting sa total ICU bed occupancy noong Martes, kung saan lumabas na 53% ng naturang mga kama ang okupado.
“The sudden increase in ICU bed occupancy (53%) in the November 17 Case Bulletin was due to a data entry error from one facility. The entry has been corrected for November 18 thereby reflecting a more accurate ICU bed occupancy (42%).”
