Nanawagan ang isang mambabatas sa Departments of Foreign Affairs (DFA) at sa Dept. of Migrant Workers (DMW) na gawin ang lahat ng pagsisikap sa pagpapauwi sa lahat ng Pilipinong nakulong sa Sudan sa gitna ng tumataas na labanan African nation.
Kasabay nito, hinimok ni Sen. Sherwin Gatchalian ang mga distressed na Pilipino sa Sudan na makipag-ugnayan sa embahada ng Pilipinas sa Cairo, Egypt para sa kanilang agarang repatriation.
Hinikayat din ni Gatchalian ang mga Pilipinong nakabase sa Pilipinas na may mga kamag-anak at mahal sa buhay sa Sudan na kumbinsihin ang kani-kanilang miyembro ng pamilya sa bansang nasalanta ng digmaan na humingi ng tulong sa embahada.
Kung matatandaan, sinabi ng DFA na nasa 500 Pilipino ang naitala sa Sudan.
Ginawa ng mambabatas ang panawagan matapos maglabas ng advisory ang DFA na nagsasabing sisimulan na ng ahensya ang mga pagsisikap sa repatriation at hinihiling ang mga Pilipino sa Sudan na makipag-ugnayan sa Embahada ng Pilipinas sa Cairo upang sila ay maisama sa listahan.
Ayon sa ulat, mahigit 500 Pilipino sa Sudan ang nagpadala ng mensahe sa mga opisyal ng DFA na humihingi ng tulong sa gobyerno para sa kanilang pagpapauwi.
Bagama’t nagsara na ang lahat ng paliparan sa Sudan, sinabi ng senador na isang opsyon ang magagawa ng mga Pilipino ay sa pamamagitan ng land travel mula Khartoum hanggang Cairo, kung saan maaari silang lumipad mula Cairo hanggang Manila.
