-- Advertisements --

Buo na ang Team LeBron James at Team Kevin Durant para sa 2021 NBA All-Star Game.

Nasa lineup ni James ang kanyang first overall pick na si Milwaukee Bucks forward Giannis Antetokounmpo, maging ang dati nitong karibal na si Golden State Warriors star Stephen Curry.

Kabilang din sa koponan ni LeBron sina Luka Doncic ng Dallas Mavericks, at Denver Nuggets big man Nikola Jokic.

Sa koponan naman ni Durant, babandera ang teammate nito sa Nets na si Kyrie Irving, Joel Embiid ng Sixers, Kawhi Leonard ng Clippers, Bradley Beal ng Wizards at Jayson Tatum ng Celtics.

Si Durant ay magiging non-playing team captain.

-- Advertisement --

Kumumpleto naman sa mga reserba ang dalawang players ng Jazz na sina Rudy Gobert na napunta kay James; at si Donovan Mitchell na kinuha ni Durant.

Ang mga reserves sa Team LeBron ay sina Damian Lillard, Ben Simmons, Chris Paul, Jaylen Brown, Paul George, Domantas Sabonis, at Gobert.

Reserves naman sa Team Durant sina James Harden, Devin Booker, Zion Williamson, Zach LaVine, Julius Randle, Nikola Vucevic, at Mitchell.

Gaganapin ang 2021 NBA All-Star game sa Atlanta sa Marso 8, araw sa Pilipinas.