Kinumpirma ngayon ng NBA na umaabot sa 16 na players ang panibagong nahawa sa COVID-19.

Tumanggi naman ang NBA na ibulgar ang mga pangalan ng naturang mga players.

Ang nasabing bilang ay nanggaling umano sa 497 players na isinailalim sa COVID-19 mula Jan. 6.

Tiniyak naman ng liga na maging ang mga staff o players na may close contact sa infected person ay isasailalim din sa isolation batay na rin sa patakaran ng NBA, Players Association at guidance mula sa CDC.

Ngayong araw tatlong mga games ang kinansela dahil pa rin sa pag-quarantine sa ilang mga players.