Tiniyak ni Russell Westbrook na mas matindi ang ibibigay niyang suporta sa big man ng Lakers na si Anthony Davis.
Ginawa ni Westbrook ang pahayag matapos ang kanilang first official practice.
Ipinagmalaki ni Westbrook na walang katulad si Davis sa NBA ngayon na maraming nagagawa ang size nito.
Kaya naman bawat araw, bawat game ay aasiste raw siya para ma-push pa ang impact ni Davis sa kanilang kampanya ngayong season.
Kung maalala noong huling season ay nakitaan ng “worst percentage” sa performance si Davis at nadagdag pa ang injury.
“There’s nobody like him who can do everything he’s able to do at his size,” ani Westbrook. “And my job is to make sure I continue to push him each day, each practice, each game.”
Bilang reaksiyon, natuwa naman si Davis sa pahayag ng kanilang bagong pointguard na dati ring NBA MVP.
