Suspendido ang lahat ng klase sa Maynila at Quezon City ngayong Lunes, Hulyo 27, kasabay ng ikalimang State of the Nation Address (SONA) ni Pangulong Ferdinand Marcos Jr.
Saklaw ng suspensyon ang lahat ng antas sa pampubliko at pribadong paaralan, ayon sa mga inilabas na anunsyo ng mga lokal na pamahalaan.
Layunin ng kanselasyon ng klase na mabigyan ng pagkakataon ang publiko na mapakinggan ang mensahe ng Pangulo sa kanyang taunang report sa bansa.
Nakatakda ring makatulong ito sa pagpapagaan ng epekto ng inaasahang mabigat na daloy ng trapiko, lalo na sa mga pangunahing lansangan patungo sa Batasang Pambansa sa Quezon City.
Samantala, naglabas na rin ang Metropolitan Manila Development Authority (MMDA) ng mga alternatibong ruta para sa mga motorista bilang paghahanda sa SONA at upang mabawasan ang pagsisikip ng trapiko sa paligid ng Batasang Pambansa.
