Nababahala ang US Food and Drug Administration tungkol sa posibleng dalang panganib ng pamamaga sa puso mula sa bakuna sa COVID-19 ng Novavax Inc (NVAX.O).
Ito ay sa kabila ng ipinakitang data ng kumpanya na maaari nitong bawasan ang mga pagkakataon ng mild-to-severe disease.
Sa halos 30,000 patient trial ng Novavax, na isinagawa sa pagitan ng Disyembre 2020 at Setyembre 2021, mayroong apat na kaso ng isang uri ng pamamaga sa puso na tinatawag na myocarditis na nakita sa loob ng 20 araw pagkatapos kumuha ng protein-based shot.
Dahil dito, hiniling ng ahensiya sa Novavax na i-flag ang myocarditis at isa pang uri ng pamamaga sa puso na tinatawag na pericarditis bilang isang “important identify risk” sa mga materyales nito.
Ngunit, ang kumpanya ay hindi pa sumang-ayon na gawin ito.
Magugunitang ang bakuna ay nagpakita ng bisa ng 90.4% sa pag-aaral ng Novavax, na nag-enroll ng mga nasa hustong gulang sa buong Amerika at Mexico.
