Naglabas ang World Health Organization (WHO) ng ulat na pinamagatang “Saving lives, spending less” na nagsusulong ng murang solusyon laban sa noncommunicable diseases (NCDs) at mental health.
Ayon sa WHO, sapat na ang karagdagang US$3 kada tao bawat taon upang makamit ang US$1 trilyong benepisyo sa ekonomiya pagsapit ng 2030.
Bagaman bumaba ang bilang ng mga namamatay sa NCDs mula 2010 hanggang 2019, bumagal ang progreso sa karamihan ng mga bansa.
Mahigit isang bilyong tao ang may mental health conditions, at 75% ng mga kaugnay na pagkamatay ay nagaganap sa mga bansang mababa at gitnang kita.
Sa darating na Setyembre 25, gaganapin ang ika-apat na UN High-Level Meeting sa New York upang talakayin ang mga hakbang sa NCDs at mental health.
Nanawagan si WHO Director-General Dr. Tedros Ghebreyesus sa mga lider na mamuhunan sa mga epektibong solusyon gaya ng buwis sa alak, tabako, at junk food.
Binigyang-diin ng WHO na ang pagtugon sa NCDs ay hindi lamang makatao kundi isang matalinong hakbang para sa mas maunlad na lipunan.
