Nagpahayag na ang Simbahan ng Quiapo ng kanilang maagang paghahanda upang masiguro ang isang ligtas, mapayapa, at maayos na pagdiriwang ng Kapistahan ng Nazareno sa taong 2026.
Layunin ng maagang paghahandang ito na matugunan ang mga posibleng hamon at problema na maaaring lumitaw sa pagdiriwang.
Tiniyak naman ng Pamahalaang Lungsod ng Maynila ang kanilang lubos na suporta para sa buong 10 araw na selebrasyon, na magsisimula sa December 31, 2025 at magtatapos sa January 9, 2026. Magsisilbing pangunahing tagapagtaguyod ng nasabing selebrasyon si Mayor Francisco “Isko Moreno” Domagoso.
Bilang bahagi ng paghahanda, itinalaga bilang non-negotiable o hindi maaaring gamitin ang mga pangunahing kalsada na nakapaligid sa Quiapo Church mula January 7 hanggang January 9.
Ito ay dahil sa inaasahang pagdating ng napakaraming deboto na dadalo sa mga aktibidad ng kapistahan.
Bukod pa rito, pinayagan din ng alkalde ang iba’t ibang media outlets na magkaroon ng access sa MDRRMO Command Center.
Layunin nito na mabigyan ang mga mamamahayag ng live feeds, aerial views, at iba pang kagamitan na kinakailangan para sa kanilang coverage ng nasabing okasyon.
Sa kasalukuyan, patuloy ang koordinasyon sa pagitan ng pamahalaang lungsod at ng simbahan upang matiyak ang isang maayos at ligtas na pagdiriwang ng Kapistahan ng Nazareno sa taong 2026.
