Iniulat ng Philippine Institute of Volcanology and Seismology ang dalawang magkasunod na lindol ang naramdaman sa magkaibang bahagi ng bansa kaninang umaga.
Batay sa ulat, niyanig ng lindol ang mga lalawigan ng Antique at Ilocos Norte.
Ang unang pagyanig ay naitala sa lalawigan ng Antique. Partikular, isang lindol na may lakas na magnitude 4.3 ang tumama sa karagatang bahagi ng Anini-y, Antique. Nangyari ito bandang 10:20 ng umaga.
Pagkatapos ng siyam na minuto, isa pang lindol ang tumama naman sa Ilocos Norte. Isang lindol na may magnitude 4.5 ang naitala sa bayan ng Pagudpud, Ilocos Norte, bandang 10:29 ng umaga.
Ayon sa PHIVOLCS, ang pinagmulan ng parehong lindol ay tectonic. Pareho rin ang lalim ng mga lindol, na may 10 kilometro.
Dagdag pa ng PHIVOLCS, hindi naman inaasahan ang anumang pinsala o mga aftershocks mula sa mga pagyanig na ito.
Dahil dito, pinapayuhan ang publiko na manatiling kalmado ngunit maging handa pa rin sa mga posibleng pagyanig.
