Dapat bumalik ng Pilipinas si dating Ako Bicol Partylist Rep. Zaldy Co kung seryoso itong tumestigo sa inihaing impeachment complaint laban kay Pangulong Ferdinand Marcos Jr.
Ayon kay House Committee on Justice Chairperson Gerville Luistro, bagama’t karapatan ng sinuman ang tumestigo, kailangang sumunod sa panuntunan ng komite.
Binigyang-diin ni Luistro na dapat “under oath” at personal na humarap ang testigo sa pagdinig dahil hindi pinapayagan ang testimoniya via teleconferencing o digital means sa ilalim ng House rules.
Si Co, na napabalitang nasa Portugal, ay may kinakaharap na arrest warrant kaugnay ng maanomalyang flood control project sa Oriental Mindoro.
Ayon kay Luistro, bagama’t maituturing na pugante, hindi pa tiyak kung diskwalipikado si Co bilang testigo, ngunit kailangan niyang harapin ang panganib ng pag-aresto sa sandaling bumalik siya sa bansa para manumpa sa harap ng komite.
