Binigyang diin ni Ombudsman Jesus Crispin ‘Boying’ Remulla na wala silang sasantuhin sinuman sangkot sa ilegal na gawain katulad ng ‘agricultural smuggling’.
Ayon sa opisyal, walang pipiliin o sisinuhin ang tanodbayan sa pagpapanagot ng mga indibidwal na dawit sa pagpupuslit ng mga produktong pang-agrikultura sa bansa.
Giit ni Ombudsman Remulla, ginagampanan lamang aniya ang trabaho upang mapanagot ang mga mapang-abuso sa gobyerno.
Makatitiyak daw na agaran ihahain ng Office of the Ombudsman ang kaukulang kaso sa oras na makakalap ito ng mga ebidensya.
Aminado naman si Ombudsman Remulla na hindi maitatanggi na may mga opisyal ang sangkot sa ‘smuggling’.
May mga ‘import permits’ aniya na peke o nire-recycle kung kaya’t iimbestigahan upang matukoy ang pinagmulan.
Naniniwala si Ombudsman Boying Remulla na kinakailangan may masomplan o ‘ma-convict’ na ‘big fish’.
Ito aniya’y upang mapapaniwala ang taumbayan kung kaya’t titiyakin mahahatulan ‘guilty’ sa korte ang mga nahuli na.
Kasunod ang pahayag matapos saksihan ang paglagda ng Department of Justice, Bureau of Cuustoms at National Bureau of Investigation sa isang ‘Tripartite Memorandum of Agreement’ layon palakasin kampanya kontra ‘agri-smuggling’.
