Inihayag ng isang eksperto na bumaba o bumagal ang transmission ng COVID-19 sa Metro Manila kasunod ng implementasyon ng dalawang linggong modified enhanced community quarantine (MECQ).
Sinabi ni University of the Philippines mathematics professor Guido David, masaya sila dahil nabawasan ang pandemic trend sa nakaraang dalawang linggo kung saan ang reproduction number ay bumaba sa 1.1 mula sa 1.5 sa katapusan ng Hulyo.
“We are happy to say that the pandemic trend has actually decreased the past two weeks. So, the reproduction number that we calculate in our reports has actually decreased. It’s currently around 1.1, it was about 1.5 at the end of July before we implemented MECQ,” ani David.
Ayon kay David, malaking tulong ang MECQ para maibaba ang reproduction number kaya nakamit ang hangaring mapabagal ang pandemic.
Inihayag ni David na totoo ito sa kabila ng patuloy na pagtaas ng COVID-19 cases na posibleng dulot umano ito ng “backlogs.”
“We look at several indicators to see the trend—not just the number of cases but also the number of test results and we actually see a decreasing trend in the reproduction number,” he said. “So we believe that this decrease is genuine and not just artificial.”
