Tikom pa ang panig ng National Grid Corporation of the Philippines (NGCP) at National Transmission Corporation (Transco) mula sa intel report na posibleng i-shutdown ng Chinese government ang power grid ng Pilipinas.
Lumabas sa isang report na naka-full control ang Chinese government sa NGCP dahil may hawak na 40-percent share ang China’s State Grid Corporation dito.
Taong 2009 nang magpasok ng share ang Chinese government sa NGCP.
Una ng nanawagan ng review ang ilang mambabatas matapos mabatid na tanging mga Chinese engineers lang ang may access sa key system ng power grid.
Posible rin daw kasing maging susi ito para kontrolin at ipagutos ng Beijing ang deactivation.
Sa inilabas naman na statement ng Ministry of Foreign Affairs ng China, nilinaw ng tanggapan na walang dapat ikabahala ang Pilipinas, gayundin na hindi dapat paniwalaan ng bansa ang mga haka-hakang lumalabas kaugnay ng kasunduan.
“The Philippines is a neighbor and important partner of China’s. We support Chinese companies conducting business in the Philippines in accordance with laws and regulations to expand mutual benefits and win-win cooperation,” ayon sa ahensya.
“We hope certain individuals in the Philippines view such bilateral cooperation with an open mind as well as an objective and fair attitude. They shouldn’t over-worry or even fabricate things out of thin air.”
Kamakailan nang aminin ni Senate Committee on Energy chairman Sen. Sherwin Gatchalian na sinabihan siya ng presidente ng Transco sa gitna ng budget deliberation ng Department of Energy, hinggil sa posibilidad ng tuluyang pag-take over ng Chinese government sa power grid ng Pilipinas.
“I was advised by the president of TransCo that they have studied this type of possibility. I was advised that manual operation of transmission lines is possible. A takeover can happen, but TransCo, with their technical capability, can then manually take over,” ani Gatchalian.
Ayon naman kay Sen. Risa Hontiveros, malaking banta ngayon sa seguridad ng Pilipinas ang pagiging co-owner ng China sa NGCP.
“As long as the system operations are controlled and managed by Chinese engineers (they have) an enormous power. This would pose a great risk to public infrastructure and national security,” ani Hontiveros. (CNN)
