Itinalaga ni Pangulong Rodrigo Duterte si dating Malolos City, Bulacan Mayor Christian Natividad bilang bagong chairman ng Optical Media Board (OMB).
Sinabi ni Presidential Spokesman Harry Roque, si Natividad ay magsisilbo bilang OMB chairman sa loob ng tatlong taon.
Nakapanumpa na rin si Natividad kay Energy Sec. Alfonso Cusi.
Si Natividad ay tumakbo sa pagka-gobernador ng Bulacan noong 2019 midterm elections sa ilalim ng PDP-Laban ni Pangulong Duterte pero natalo kay Daniel Fernando na noon ay bise gobernador ng lalawigan.
“We hope the appointment of Mr. Natividad would lead the OMB to greater heights, particularly in fighting optical media piracy and protecting intellectual property rights in digital form,” ani Sec. Roque. “We wish Mr. Natividad good luck in his new assignment.”
