Iginiit ni Sen. Sherwin Gatchalian na hindi tinalakay ang impeachment bid laban kay Vice President Sara Duterte sa deliberasyon ng 2026 national budget.
Ayon sa chairman ng Senate finance committee, nakatuon lamang ang talakayan sa budgetary requirements at epekto nito sa mamamayan, at hindi sa politikal na aspeto.
Nauna nang inakusahan ni Sen. Imee Marcos sa Facebook na ginugulma ang budget upang simulan ang impeachment ni Duterte, partikular sa malalaking pagbabawas sa foreign-assisted projects ng DOTr at DPWH, habang tinaas naman ang pondo sa farm-to-market roads at financial assistance programs.
Tinukoy ni Gatchalian na puwede may iba’t ibang pananaw sa 2026 budget, ngunit pinagtibay niyang corruption-free ito.
Nilagdaan ni Pangulong Ferdinand Marcos Jr. ang P6.793-trilyong 2026 General Appropriations Act at binawasan ang P92.5-bilyon na unprogrammed funds sa pinakamababang lebel simula 2019.
