Hindi kumbinsido ang tagapagsalita ng pamilya ng pinatay na brodkaster na si Percy Lapid sa paglutang ng ilang personalidad na gustong tumestigo sa krimen.
Sa panayam ng Bombo Radyo Philippines kay Atty. Berteni Causing tagapagsalita ng pamilya mabasa, duda siya sa mga testimonya ng mga ito dahil sa mga inconsistencies.
Kabilang na rito ang lumitaw na si Marissa ang kapatid umano ni Jun Villamor na namatay habang nakapiit sa New Bilibid Prison (NBP).
Tinawag pa ng abogado na panggulo ang mga lumulutang na mga testigo.
Sa ngayon, mayroon nang walong persons of interest ang hawak ng Department of Justice (DoJ) kaugnay ng krimen.
Mayroong kabuuang 160 persons of interest sa krimen at kasama na rito ang suspendidong si Bureau of Corrections (BuCor) Directo General Gerald Bantag.
