Patuloy na nakaaapekto sa kalagayan ng panahon sa bansa ang trough ng Tropical Storm Danas na nasa labas pa ng Philippine Area of Responsibility (PAR), habang ang Southwest Monsoon o Habagat ay nagpapadala ng ulan sa malaking bahagi ng bansa.
Narito ang ilang impormasyon ukol sa Tropical Storm Danas o dating bagyong Bising:
Lokasyon: 480 km kanluran ng Basco, Batanes
Lakas ng Hangin: 75 km/h malapit sa gitna
Bugso ng Hangin: Hanggang 90 km/h
Galaw: Mabagal na kumikilos pa-kanluran
Bagama’t wala sa loob ng PAR, pinaiigting ng bagyong Danas ang pag-ulan sa Extreme Northern Luzon, partikular sa Batanes at Babuyan Islands.
Ayon sa mga eksperto, inaasahang magdudulot ito ng maulap na kalangitan at katamtaman hanggang sa malakas na pag-ulan sa mga nasabing lugar.
Ang southwest monsoon ay patuloy na nagpaparamdam sa kanlurang bahagi ng Luzon, Visayas, at Mindanao, na may posibilidad ng mga pag-ulan, lalo na sa hapon at gabi.
Pinapayuhan ang mga residente sa mabababang lugar at bulubundukin na maging alerto sa posibleng pagbaha at pagguho ng lupa.
