-- Advertisements --
Sumampa na sa 32 ang nasawi na mga police personnel dahil sa Covid-19 virus. Itoy matapos nadagdagan ng isa ang nasawi, batay sa datos ng PNP Health Service.
Ayon kay PNP ASCOTF Commander Lt. Gen. Guillermo Eleazar, isang 54-anyos na uniformed personnel ang nasawi dahil sa atake sa puso.
Batay sa ulat matagal nang masakit sa puso ang nasabing pulis na naka-assign sa PNP Inteligence Group, subalit lalong lumala ito matapos magpositibo sa Covid-19 virus.
Tumaas naman ang bilang ng active cases sa PNP na umabot sa 550.
Habang nasa 22 bagong recoveries ang naitala, batay sa datos na inilabas ng PNP Health Service.
Sa ngayon, nasa kabuuang 11,641 na ang Covid-19 cases sa PNP at nasa 11,059 naman ang total number of recoveries.
