Nakatuon lamang sa confidence-building measures, maritime security at cooperation ang magiging paksa ng pagpupulong ngayong araw sa pagitan ng Pilipinas at China.
Ayon kay Chinese Foreign Ministry Spokesperson Zhao Lijian, bahagi ito ng regular na bilateral consultation mechanism (BCM).
Matatandaang naging tema na rin sa mga nakaraang pulong ang maritime disputes, maritime search and rescue, maritime safety, oil at gas development, pati na ang maritime fisheries.
“In the previous five BCM meetings, the two sides had in-depth communication and dialogue on maritime issues between them, properly handled maritime disputes, and advanced exchanges and cooperation in such areas as maritime search and rescue, maritime safety, oil and gas development and maritime fisheries. The meetings played an active role in promoting the sound and steady development of bilateral ties and upholding peace and stability on the South China Sea,” wika ni Zhao.
Giit ng Chinese officials, dapat palaging mamayanin ang kapayapaan at kaayusan sa magkabilang panig.
Batay sa napagkasunduan, idadaan ito sa online meeting, lalo nananatili ang banta ng COVID-19.
Si Chinese Assistant Minister of Foreign Affairs Wu Jianghao ang mangunguna sa deligasyon ng kanilang bansa, habang si Foreign Affairs Undersecretary Elizabeth Buensuceso naman ang para sa panig ng Pilipinas.
Makakasama nila ang kani-kanilang kinatawan ng mga sektor na sumasaklaw sa diplomacy, national defense, natural resources, agriculture at ecological environment para sa nasabing aktibidad.
