Lumagda ang Bangko Sentral ng Pilipinas (BSP) ng magkakahiwalay na information sharing agreements (ISAs) kasama ang National Bureau of Investigation (NBI), Cybercrime Investigation and Coordinating Center (CICC), at Securities and Exchange Commission (SEC).
Layunin ng mga kasunduang ito na pahintulutan ang lawful sharing ng confidential financial account information upang suportahan ang mga imbestigasyon laban sa scams at kaugnay na mga paglabag.
Kinatawan ni BSP Governor Eli Remolona, Jr., si BSP General Counsel Roberto L. Figueroa ang lumagda sa kasunduan sa BSP Head Office sa Maynila noong Pebrero 20, 2026. Dumalo rin sina NBI Acting Director Angelito DLP. Magno, CICC Executive Director Renato A. Paraiso, at SEC Chairperson Francisco ED. Lim.
Sa kanyang welcome message, binigyang-diin ni Figueroa na ang tunay na trabaho ay magsisimula matapos ang pirmahan: “Its success will not be measured by the document itself, but by its execution, by investigations strengthened, cases resolved, risks mitigated, and harm prevented.”
Ipinahayag naman ni Deputy Governor at AFASA Technical Working Group Adviser Elmore O. Capule ang pangako ng BSP na makipagtulungan sa CICC, NBI, at SEC upang matiyak na ang Anti-Financial Account Scamming Act (AFASA) ay maipapatupad nang may disiplina, integridad, at pagsunod sa batas.
Nakasaad sa ISAs ang mga proseso para sa pag-secure ng impormasyon mula sa BSP’s Consumer Account Protection Office kaugnay ng financial accounts na may kinalaman sa scams, alinsunod sa AFASA at sa implementing rules nito sa ilalim ng BSP Circular 1214.
Makakatulong ang mga kasunduang ito sa NBI at CICC sa pagbuo ng mga kaso laban sa AFASA violations, at magbibigay-daan sa SEC na makakuha ng impormasyon na mahalaga sa kanilang regulatory mandate, kabilang ang adjudication ng financial consumer complaints.
Sa kabuuan, ang ISAs ay nagpapalakas ng inter-agency coordination laban sa financial account scams, nagpapahusay ng investigative capabilities kontra sa cyber-enabled fraud, at nagpapatibay sa kolektibong pagsisikap ng pamahalaan upang protektahan ang publiko laban sa financial crime.
