Isasagawa ngayong araw ang ceremonial vaccination para sa A-4 priority group ng ating bansa.
Ang A-4 ang itinuturing na working sector, dahil dito nakapaloob ang malaking bilang ng work force ng bansa.
Dito rin nakahanay ang mga nasa media at iba pang essential workers.
Isasagawa ang makasaysayang pagsisimula ng paghbabakuna sa isang malaking venue.
Napili ng national task force at DoH ang MOA arena para pagdausan ng aktibidad.
Paliwanag ni Vaccine Czar Carlito Galvez Jr., kailangang malaki ang lugar upang masunod ang physical distancing.
Umaasa ang kalihim na mas bibilis pa ang pagbabakuna dahil sa inaasahang pagdating ng milyon-milyong doses sa mga susunod na linggo.
Tiwala rin itong makakatulong sa pinalakas na awareness campaign ang malaking suporta ng working sector sa vaccination program ng ating bansa.
